بسم الله الرحمن الرحيم

السلام عليكم جميعا

وهاي بعد ولاتزعلون عشان تحسون اني كول

:))

انا شمايل وجائت فكرة الاسم من مكنونات شخصيتي الشاملة على عدة جوانب راح تكتشفونه مع الايام القليل القادمة ان شاء الله ... انا وعويذ الله من كلمة انا والكبر والغرور.. بنت حبوبة وحلوه عمري ماتعدى سن العنس واليأس هيهيهي...يعني لي الحين أسيرة الكتب ولدراسه الله يفكنا منها بنجاح قولووا آمين...الي فوق اهي سيارتي توني شاريتها ومستعملة وكانت جذي يوم خذيتها قصتها قصه بس اللون مو صج وولي يبيني اردفه ماعليه الا يكبسلي (ترى انا مو بالكويت لحد يطق هرن ممنوع ههههههه )...الكل يحبني وفي ناس ماتحبني اكيد يعني (أرضاء الناس غاية لا تسدح) عموما احب الكتابه بس مو وايد... واحب اقرا شوية...

اقولكم عن الاشياء الي احبها ولي ماحبها من الحين

احب ربي وديني وامي وابوي واهلي الجعوص... احب ديرتي واهلها وناسها... احب الناس الطيبه والونيسه والي من وراها فايده (كل مو مصلحجيه) احب الغناوي والطيران والزيران والهز والرقص بكل انواعه واشكاله... طبعا من انا صغيرة بالروضة وكنت مع فرقة الموسيقى اطقطق بالآلات الموسيقية "عشتو" وكنا نروح مسابقات ونفوز ورحلات افتك فيها من الحصص...احب بعد شي مهم وهو الصحه وكل شي يتعلق بالصحه والمحافظة على حياة طبيعيه خاليه من التلوث الغذائي والبيئي والاجتماعي...احلى شي بالدنيا البساطة بكل شي .. الاعتدال بكل امر....السنع مع الصغير قبل الكبير....احب الناس الطيبين...قلبي حيل رهيف... ان شفت احد يبجي جدامي اروح امسكه واحضنه وانسى انه يمكن عيب او فشله .... احب اضحك وايد واحب اتقشمر وايد لدرجة انه الناس يوم اتكلم جد مايستوعبون انه هذي انا الي تتكلم !..احب الطبيعه والسفر والسكون والليل والقمر والبحر...احب القصص والافلام والحب الللللللله يالحب احلى شي بالدنيا اهو الحب... بدون حب الناس نفس التيل الي بسبحة بس بدون خيط متناثراات (يعني اعرف اعبر هههههه) احم طبعا الاشياء الي ماحبها اهم كل شي عكس الي قلتة سابقا... عموما انا انسانة مليئه بالقصص والمغامرات...اتمنى ان الكل يتابعني ربعي وناسي والناس اليدد الي بيصيرون ربعي ان شاء الله...مره ثانيه حياكم الله وعساني ما انحرم من هل عيون الي تقرالي

لنا لقاء غدا ان شاء الله

سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك

مع خالص حبي وتقديري... المحبة شمايل بنت العوايل

:)